Լիտվայի ԱԳՆ-ը բողոքի նոտա է հղել Ռուսաստանին
BNS գործակալության փոխանցմամբ` Լիտվայի ԱԳՆ-ը բողոքի նոտա է հղել Ռուսաստանի դեսպանին` կապված Բալթիկ ծովի հատակին էլեկտրական մալուխ անցկացնելու հարցում ռուսական նավերի կողմից խոչընդոտներ հարուցելու հետ:
Լիտվայի արտգործնախարար Լինաս Լինկյավիչուսի խոսքերով` դեսպանը պետք է պարզի Ռուսաստանի պաշտոնական դիրքորոշումն ու այն ներկայացնի Վիլնյուսին:
Նա մանրամասնել է, որ այդ աշխատանքները Բալթիկ ծովում իրականացրել է Շվեդիային պատկանած նավը և իրենք բնականաբար կապի մեջ են ՆԱՏՕ-ի գծով դաշնակիցների հետ:
Ավելի վաղ հաղորդվել էր, որ Շվեդիան գումարներ է հատկացնում ռուսական սուզանավեր որսալու համար:
