Գալուստ Սահակյանի ցավակցական ուղերձը Վլադիմիր Դարբինյանի մահվան կապակցությամբ
ՀՀ Ազգային ժողովի նախագահ Գալուստ Սահակյանը ցավակցական ուղերձ է հղել պետական, քաղաքական գործիչ, ՀՀ Ազգային ժողովի նախկին պատգամավոր Վլադիմիր Դարբինյանի մահվան կապակցությամբ: Ուղերձում ասված է.
«Խորապես վշտացած եմ պետական քաղաքական գործիչ, ՀՀ Ազգային ժողովի նախկին պատգամավոր Վլադիմիր Դարբինյանի մահվան կապակցությամբ:
Վլադիմիր Դարբինյանն իր ժողովրդին, երկրին ու պետականությանը նվիրված գործիչ էր՝ պատասխանատվության ու հայրենիքին ծառայելու խորին գիտակցումով:
ՀՀ Ազգային ժողովի եւ անձամբ իմ անունից անկեղծորեն ցավակցում եմ Վլադիմիր Դարբինյանի ընտանիքին, հարազատներին ու մերձավորներին եւ կիսում նրանց վիշտը»:
