«Մեր տան սյունը կոտրվեց, տղաս մեր թիկունքն էր». Հարազատները չեն հավատում զինվորի ինքնասպանության վարկածին. 1in.am
«Տանս սյունը կոտրվեց, իմ տղան մեր թիկունքն էր»,- «Առաջին լրատվական»-ի հետ զրույցում ասել է մահացած զինծառայող Ալբերտ Սաֆարյանի հայրը՝ Էմիլ Սաֆարյանը, հավելելով, որ տղայի հետ վերջին անգամ խոսել է փետրվարի 23-ին: Նրա խոսքով՝ Ալբերտը ծառայությունից չի դժգոհել, միշտ ասել է՝ ամեն ինչ լավ է:
Էմիլ Սաֆարյանը նաև նկատեց, որ նամակի պատմությունը իրականությանը չի համապատասխանում: Ինչ վերաբերում է ինքնասպանության վարկածին, ապա իրենք դա բացառում են:
