Իսպանիայում ոստիկանությունը ձերբակալել է Դոնբասի հակամարտությունից վերադարձած 8 մարդու
The Daily Star-ի փոխանցմամբ՝ Իսպանիայի ոստիկանությունը ձերբակալել է 8 մարդու, որոնք մասնակցել են Ուկրաինայի արևելքի հակամարտությանը և երկիր են վերադարձել ոչ վաղ անցյալում: Այս մասին հայտնել է Իսպանիայի ՆԳՆ-ը:
Ոստիկանությունը կասկածյալներին ձերբակալել է երկրի մի շարք շրջաններում՝ Կատալոնիայում, Մադրիում, Մուրսիայում, Նավարայում, Էստրեմադուրայում: Ձերբակալվածներին կարող են մեղադրել զենք պահելու, սպանություններին մասնակցելու և Ուկրաինական հակամարտության հարցում Իսպանիայի չեզոքությունը խախտելու մեջ
Cadena SER ռադիոկայանը հայտնել է, որ ձերբակալված իսպանացիները պատերազմել են անջատողականների կողմից: ՄԱԿ-ի վերջին տվյալներով՝ Ուկրաինայի հակամարտության հետևանքով զոհվել է գրեթե 5800 մարդ, որոնցից 298-ը բաժին են ընկնում մալայզիական կործանված օդանավին:
