8 մթերք, որ ձեզ ավելի խելացի կդարձնեն

Lifehacker.ru կայքը կազմել է այն 8 մթերքների ցանկը, որոնք ձեզ ավելի խելացի կդարձնեն:

1. Ավոկադոն օգտակար բազմաթիվ հատկանիշներ ունի: Այն հնարավոր է օգտագործել բազմաթիվ ուտեստներ պատրաստելիս: Չնայած ավոկադոն բավական մեծ կալորիկանություն ունի՝ այն համարվում է դիետիկ մթերք: Ավոկադոն խթանում է ուղեղի աշխատանքը, լավացնում արյան շրջանառությունը:

2. Հապալասը համեղ, միևնույն ժամանակ՝ շատ օգտակար հատապտուղ է: Այն նպաստում է օրգանիզմից թունավոր նյութերի դուրս գալուն, ինչպես նաև օգտագործվում է աչքի հիվանդությունների բուժման դեպքում: Այն կարող է կանխարգելել տարիքի հետ առաջացող մի քանի հիվանդություններ, ինչպես նաև՝ լավացնել հիշողությունը:

3. Օրգանիզմի համար շատ օգտակար է նաև ձուկը, որն ամրացնում է նյարդային համակարգը: Այն օգնում է նաև լավացնել հիշողությունը, պայքարել սթրեսի դեմ:

4. Ընդեղենն ուղեղի արդյունավետ աշխատանքի համար այնքան անհրաժեշտ էներգիայի աղբյուր է: Դրանցում պարունակվում է վիտամին E և մագնեզիում, որոնք խոչընդոտում են թթվածնային քաղցին, ինչպես նաև օգնում սրթեսի դեմ պայքարում:

5. Սուրճն ու թեյը խթանում են հիշողությունը, ռեֆլեքսները: Դրանք հարուստ են հակաօքսիդանտներով և կարող են կանխարգելել Ալցհեյմերի հիվանդության առաջացումը:

6. Վարսակը դրական ազդեցություն է ունենում սրտի աշխատանքի և արյան շրջանառության վրա: Այն սննդարար է և քիչ կալորիաներ է պարունակում, այդ պատճառով էլ  թարմացնում է ուղեղը, ինչպես նաև չի վնասում կառուցվածքին:

7. Շագանակագույն բրինձն արագացնում է նյութափոխանակությունը, օրգանիզմն ապահովում անհրաժեշտ մի շարք նյութերով:

8. Բանջարեղենը հարուստ է վիտամին E-ով: Այն նաև նյութեր է պարունակում, որոնք անհրաժեշտ են ուղեղի նորմալ աշխատանքն ապահովելու համար:

Թարգմանությունը՝ 168.am-ի