Հայաստանի տրակտորների 1/5 մասն անսարք է

2015 թվականի հունվարի 1-ի դրությամբ Հայաստանի Հանրապետությունում առկա է եղել 15025 հատ տրակտոր, որից սարքին վիճակում են 11862-ը։ Սարքինության գործակիցը կազմում է 78.9%։ Այս մասին նշված է ՀՀ Ազգային վիճակագրական ծառայության կողմից հրապարակված՝ գյուղատնտեսական իեխնիկայի առկայության և սարքինության վիճակի մասին զեկույցում։

Սարքինության առումով ամենաբարվոք վիճակում Վայոց ձորի մարզն է, որտեղ սարքին են տրակտորների 89.5%-ը։ Իսկ ամենավատ վիճակում գտնվում է Տավուշի մարզը՝ 68.8%-ը։

Ամենից շատ տրակտորներ հաշվառված են Գեղարքունիքի մարզում (2755 հատ), ամենաքիչը՝ Վայոց ձորում (620 հատ)։

Հունվարի 1-ի դրությամբ հաշվառվել են նաև՝

15063 հատ բեռնատար, սարքինությունը՝ 75.6%,

1356 հատ հացահատիկահավաք կոմբայն, սարքինությունը՝ 74.3%,

6130 հատ տրակտորային կցասայլակ, սարքինությունը՝ 87.1%,

405  հետ կերակրահավաք կոմբայն, սարքինությունը՝ 72.8% և այլն։