«Մալականի այգի» կոչվող տարածքում ավտոմեքենան բախվել է պատին

Փետրվարի 16-ին, ժամը 21.14-ին ահազանգ է ստացվել, որ Երևանի Հրազդանի կիրճում` «Մալականի այգի» կոչվող տարածքում, տեղի է ունեցել ՃՏՊ. «Հունդայի» մակնիշի ավտոմեքենան բախվել է պատին, առկա է վառելիքի արտահոսք. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում «Հունդայի» մակնիշի 08 NN 880 պետհամարանիշով ավտոմեքենան բախվել է արգելապատնեշին:

Մինչ հրշեջ-փրկարարների կանչի վայր հասնելը` ուղևորը` 1996 թ. ծնված Ի. Մ.-ը, տեղի ուժերով տեղափոխվել է «Նաիրի» ԲԿ:

Բժիշկները տուժածի առողջական վիճակը գնահատել են միջին ծանրության:

Հրշեջ-փրկարարները հոսանքազրկել են ավտոմեքենան. վառելիքի արտահոսք չի եղել:

ՀՀ Արտակարգ իրավիճակների նախարարություն