Որտե՞ղ փնտրել վիտամիններ

Վիտամինների կարիք ժամանակ առ ժամանակ բոլորս ենք ունենում` անկախ սեռից, տարիքից, զբաղմունքից, սոցիալական դիրքից, կրթական մակարդակից և այլ գործոններից:

Եվ երբ բժիշկը մեզ վիտամինային դեֆիցիտ է ախտորոշում, փորձում ենք գտնել դեղորայքին ալտերնատիվ ճանապարհներ, զբաղվում ենք մթերքներ ցանկի փնտրտուքով, որոնցում պարունակվում է այս կամ այն վիտամինը:

Ստորև ներկայացնում ենք այն մթերքների սեղմ ցանկը, որոնք հարուստ են կոնկրետ որևէ վիտամինով:

Եվ այսպես`

Վիտամին A –  տավարի լյարդ, ձու, կաթնաշոռ, ձուկ, կաթ, սպանախ, գազար,  մաղադանոս։

Վիտամին B1- ձու, կաթ, տավարի լյարդ, կանաչ ոլոռ, լոբի, խմորիչ, ցորենի ածիկ։

Վիտամին B2 – կաթնաշոռ, ձու, վարսակի փաթիլներ, խոզի միս, ձուկ, կաթ, սոյայի  ձեթ։

Վիտամին C – ցիտրուսային մրգեր, կարմիր մրգեր, ծաղկակաղամբ, կարմիր պղպեղ, կանաչ ոլոռ, լոբի, բողկ։

Վիտամին D – բուսայուղ, տավարի լյարդ, ձուկ, ձվի դեղնուց, տավարի միս։

Վիտամին E – կաթ, կանաչ սալաթ, ցորենի ածիկ, բուսայուղ։

Վիտամին F – ձկան յուղ, ձիթայուղ, չրեր։

Վիտամին H – տավարի լյարդ, սունկ, վարսակի փաթիլներ, շոկոլադ, ձվի դեղնուց, ընկուզեղեն, կաթ։

Վիտամին K – ծովային կաղամբ, կանաչ թեյ, սպանախ, սոխ, ոսպ։

Պատրաստեց ԳՈՀԱՐ ՍԱՎԶՅԱՆԸ