Մենք տուրք չտվեցինք ամեն տիպի վերջնագրերին. Պորոշենկո
ZN.UA-ի փոխանցմամբ՝ Ուկրաինայի նախագահ Պյոտր Պորոշենկոն Մինսկում անցկացված բանակցությունների արդյունքներով հայտարարել է, որ Դոնբասում հրադադար է հայտարարվելու փետրվարի 15-ից: Ավելի վաղ այդ մասին հայտարարել է Ռուսաստանի նախագահ Վլադիմիր Պուտինը:
Պորոշենկոյի խոսքերով՝ Մինսկում «նորմանդական ձևաչափով» բանակցությունների ժամանակ ռուսական կողմը համառորեն առաջ է քաշել անընդունելի պահանջներ. «Բանակցությունների արդյունքներով ձեռք է բերվել պայմանավորվածություն՝ իշխանության ապակենտրոնացման շուրջ սահմանադրական բարեփոխումներ անցկացնելու մասին, սակայն խոսքը չի գնում ֆեդերալացման մասին:
Չնայած կոշտ պնդումներին՝ մենք չգնացինք ինքնավարության որևէ կարգավիճակ տրամադրելուն: Մենք նաև որևէ փոխզիջման չգնացինք ֆեդերալացման հարցում: Մենք տուրք չտվեցինք ամեն տիպի վերջնագրերին: Հրադադարը պետք է հաստատվի առանց նախապայմանների»:
