Հանրապետությունում կան դժվարանցանելի և մերկասառույցով պատված ճանապարհներ
ՀՀ տարածքային կառավարման և արտակարգ իրավիճակների նախարարությունը տեղեկացնում է, որ փետրվարի 10-ի ժամը 23.00-ի դրությամբ ՀՀ տարածքում կան փակ ավտոճանապարհներ:
Փակ են Վարդենյաց լեռնանցքը և Շիրակի մարզի Ամասիայից Զարիշատ գյուղ տանող ավտոճանապարհը:
Դժվարանցանելի է Սոթք-Քարվաճառ ավտոճանապարհը: Հրազդան-Սևան ճանապարհին առկա է մերկասառույց:
Անվտանգ երթևեկությունն ապահովելու նպատակով ճանապարհաշինարարների կողմից ավտոճանապարհներին կատարվում են աղով և ավազով մշակման աշխատանքներ: Խորհուրդ է տրվում երթևեկել ձմեռային անվադողերով:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս փակ է բոլոր տեսակի ավտոմեքենաների համար:
