Վարդավանք գյուղի բնակիչը ավտոմեքենաներից գողացել էր էլեկտրական մարտկոցներ և անվադողեր

Հունվարի 22-ին ոստիկանության Կապանի բաժնում տեղեկություններ են ստացվել, որ Սյունիքի մարզի Վարդավանք գյուղի բնակիչ ոմն Միշո գողություններ է կատարում:

Ձեռնարկված միջոցառումների շնորհիվ պարզվել է, որ ոմն Միշոն 1990 թ. ծնված Միխայիլ Ի.-ն է, որը նույն օրը, ժամը 22.30-ին, բերման է ենթարկվել և ինքնախոստովանական բացատրություն տվել, որ հունվարի 20-ին և 21-ին Կապան քաղաքի Հալիձոր թաղամասում կայանված ավտոմեքենաներից գողացել է էլեկտրական մարտկոցներ և անվադողեր:

Ձեռնարկվում են միջոցառումներ գողոնը և ավտոմեքենաների սեփականատերերին հայտնաբերելու ուղղությամբ:

Կատարվում է հետաքննություն:

ՀՀ ոստիկանություն