Գյումրիի սպանությունների գործով հանրային հետաքննություն կարող է անցկացվել. Լևոն Բարսեղյան
Գյումրիի ավագանու անդամ, «Ասպարեզ» ակումբի ղեկավար Լևոն Բարսեղյանն իր ֆեյսբուքայն էջում տեղեկացրել է, որ մի շարք անձանց հետ անցկացվելու է Ավետիսյանների ընտանիքի սպանության հետաքննություն:
Ներկայացնում ենք գրությունն ամբողջությամբ:
«Շուտով շահագրգիռ և փորձառու իրավաբանների, փաստաբանների, իրավապաշտպանների, ազատ քրեագետների, տեղյակ լրագրողների մի ժողով կունենանք Գյումրիում սպանության գործով. տեսնենք ինչ կա իրար վրա դնելու և իրավական հարթության մեջ անելու։ Ամենայն հավանականությամբ հանրային հետաքննություն ձեռնարկենք, կարծում եմ կարող են որոշ արդյունքներ լինել, մի կողմից օգտակար կլինի քննությանը, մյուս կողմից որոշակի վերահսկողություն կստացվի»։
