Գագիկ Ծառուկյանի հրավիրած խորհրդաժողովը կվարի Ռուբեն Հակոբյանը
ԲՀԿ մեր աղբյուրը տեղեկացնում է, որ հունվարի 20-ին Գագիկ Ծառուկյանի կողմից «Մուլտի Գրանդ» հյուրանոցային համալիրում հրավիրված «Ոչ իշխանական ուժերի և հասարակական կազմակերպությունների խորհրդաժողովին» մասնակցելու են «Ժառանգություն» կուսակցության որոշ ներկայացուցիչներ, այդ թվում՝ նույնանուն խմբակցության ղեկավար Ռուբեն Հակոբյանը:
Ավելին`«Ժառանգության» մասնակցությունը խորհրդաժողովին ընդգծելու համար Ռուբեն Հակոբյանին հնարավորություն է տրվելու վարել խորհրդաժողովի երեք նիստերից մեկը: Ըստ մեր աղբյուրի՝ տարբեր կուսակցություններ տարբեր քանակի հրավիրատոմսեր է ուղարկվել. որքան ավելի մեծ է կուսակցությանը ուղարկված հրավիրատոմսերի քանակը, այնքան ավելի մեծ է նրա քաղաքական արժեքը ԲՀԿ-ի համար:
