Մոթելի մատուցողուհին դանակահարել է այցելուին
Հունվարի 11-ի գիշերը կրծքավանդակի ձախ կողմում կտրած-ծակած վերքով «Արմենիա» ԲԿ է ընդունվել Կոտայքի մարզի Զովունի գյուղի 25-ամյա մի բնակչ:
Հիվանդանոց մեկնած իրավապահներին նա հայտնել է, որ գիշերն ինքը Զովունի գյուղում գտնվող «Փեյշն» գիշերային ակումբի դիմաց վիճաբանել է մի անծանոթի հետ,որն էլ դանակահարել է իրեն:
Սակայն իրավապահներին հաջողվել է պարզել իրողությունը:
Պարզվում է՝ երիտասարդը դանակահարվել է ոչ թե Զովունիի «Փեյշն» գիշերային ակումբի, այլ՝ Եղվարդի խճուղու վրա գտնվող «Դուբայ» մոթելի դիմաց:
Նույն գիշերն այստեղ տեղի ունեցած վիճաբանության ու քաշքշուկի ժամանակ մոթելի մատուցողուհիներից մեկն իր մոտ եղած ծալովի դանակով հարվածել է երիտասարդին` նրան պատճառելով հիշյալ վնասվածքը:
Մատուցողուհին ոստիկանների հետ զրույցից հետո ներկայացել է ոստիկանություն ու տվել ինքնախոստովանական բացատրություն` հանձնելով նաև հանցագործության գործիք հանդիսացած դանակը:
