79-ամյա կինն ընկել է ավտոբուսից

Հունվարի 3-ին, ժամը 10.25-ին, հիվանդանոցից ոստիկանության Էրեբունու բաժնում հաղորդում է ստացվել, որ «ձախ ձեռքի հոդի սալջարդ» ախտորոշմամբ բուժօգնության է տեղափոխվել 79-ամյա մի կին և հայտարարել, որ նույն օրը, ժամը 08.00-ին, Երևանի Տիգրան Մեծի պող «Սուրբ Գրիգոր Լուսավորիչ» եկեղեցու դիմացի կանգառում թիվ 42 ավտոբուսից իջնելիս վարորդը վերսկսել է ընթացքը, ինչի հետևանքով ինքը վայր է ընկել և ստացել մարմնական վնասվածքներ: Կատարվում է քննություն:

ՀՀ ոստիկանություն