Հին մթերք չենք ունեցել, ինչ իմանամ՝թունավորում է, վիրուս է. Մանկապարտեզի տնօրեն. news.am
Առանց անալիզների պատասխանի՝ չի կարելի ասել, թե Եղվարդի թիվ 1 մանկապարտեզի երեխաները թունավորվել են սննդից: Այս մասին NEWS.am-ի թղթակցի հետ զրույցում ասաց Եղվարդի թիվ 1 մանկապարտեզի տնօրեն Մարիետա Մանուկյանը:
Նա նշեց, որ մանկապարտեզում ստուգումներ են եղել, իրենք ամեն ինչ ներկայացրել են, որեւէ խնդիր չի հայտնաբերվել: Թունավորված երեխաները 3-5 տարեկան են՝ տարբեր խմբերից, նրանց բոլորի մոտ նկատվել է ջերմության բարձրացում:
«Առավոտյան քաղցր թեյ է եղել, կաթնաշոր, թթվասեր, մակարոնով ապուր, վերմիշելով փլավ, պեչենի: Ամեն ինչ նորմալ էր, ժամկետների մեջ, շաբաթը 1-2 անգամ մենք մթերքը ստանում ենք, երբեք հին մթերք չենք ունեցել, առանց անալիզներ տալու չի կարելի ասել, թե սննդային թունավորում է եղել: Թարմ վիճակով մենք ամեն ինչը ստանում ենք, ինչ իմանամ՝ թունավորում է, վիրուս է, եթե սննդից լիներ, հավանական է, որ բոլորի մոտ էլ լիներ: Ես անձամբ համտես եմ անում, հետո ենք տալիս երեխաներին, ոչ մի արտառոց բան չի եղել: Անալիզների պատասխանից պարզ կլինի պատճառը»,- փոխանցեց տնօրենը:
Նա նշեց, որ դեռ հայտնի չէ՝ երեխաները ինչից են թունավորվել, անալիզներ են վերցրել, որոնք ցույց կտան, թե ինչ է եղել: Մարիետա Մանուկյանը շեշտեց, որ իր պրակտիկայի ընթացքում երբեւէ նման բան չի եղել:
Մանրամասներն՝ սկզբնաղբյուր կայքում:
