Տնակների ծխնելույզներից թափվող ծխից կարելի է շնչահեղձ լինել (լուսանկարներ)
«Շիրակ կենտրոնի» աշխատակիցները այցելել են վագոն-տնակներում պատսպարված ընտանիքներին: Այն տասնյակ ընտանիքների՝ զրկանքների դեմ անզորությունից թևաթափ ու ճնշված մարդկանց դեմքերը մոռանալ, կամ այդ ամենը նկարագրելը, պարզապես անհնար է: Այսօր ականատես եղանք, երբ խարխուլ տնակներում բնակվողները՝ զորացրումից ընդամենը հաշված օրեր առաջ թշնամու դիպուկահարի գնդակից զոհված զինվորի մայրը, հաշմանդամ որդուն միայնակ խնամող ծեր կինը, մանկուց հաշմանդամություն ունեցող երեխաների ծնողները՝ տաքանալու նպատակով իրենց վառարաններն են նետում պլաստիկ շշեր, թուղթ, հնամաշ շորեր, կոշիկներ և անվադողեր:
Ներկայացվող լուսանկարային ռեպորտաժը՝ «Ջերմություն վագոն-տնակներում պատսպարված ընտանիքներին» բարեգործական ձեռնարկի հերթական առօրիայի մասին է:ա
