Եվրասիական տնտեսական միության պայմանագիրը՝ Ազգային ժողովում
Այսօր Ազգային ժողովի նիստերի դահլիճում մեկնարկել են ԱԺ արտաքին հարաբերությունների և ԱԺ տնտեսական հարցերի մշտական հանձնաժողովների կազմակերպած խորհրդարանական լսումները՝ «Հայաստանի Հանրապետության Եվրասիական տնտեսական միության (ԵՏՄ) մասին 2014 թվականի մայիսի 29-ի պայմանագրին միանալու վերաբերյալ» թեմայով:
ՀՀ ֆինանսների նախարարի տեղակալ Սուրեն Կարայանը ներկայացրեց Մաքսային միությանը Հայաստանի անդամակցության մասին որոշման ընդունման նախապատմությունը, Ճանապարհային քարտեզի կազմումն ու իրականացումը, Եվրասիական տնտեսական միության կառուցվածքը:
«Պայմանագիրը բաղկացած է բուն պայմանագրից և 33 հավելվածներից»,- ասաց Ս. Կարայանը:
Նա նշեց, որ ԵՏՄ-ի հիմնական նպատակներն են՝ անդամ պետությունների տնտեսությունների զարգացումը, ֆինանսական ու կապիտալի շուկայի ստեղծումը, տնտեսության արդիականացումը:
