Վանաձորում գողացել են «Օպել»-ի 4 անիվները

Նոյեմբերի 18-ին, ժամը 12.25-ին, ոստիկանության Բազումի բաժնի ծառայողները, գողություն կատարելու կասկածանքով, Վանաձորի Ներսիսյան նրբանցքի 12 շենքից բերման են ենթարկել 1991 թ. ծնված Հակոբ Դ.-ին, ով խոստովանական բացատրություն է տվել, որ սեպտեմբերի վերջին Վ.Համբարձումյան փողոցի թիվ 1 շենքի մոտ կայանված «Օպել» ավտոմեքենայից գողացել է 4 անիվները:

1984 թ. ծնված Ռաֆիկ Ս.-ն հաղորդում է տվել, որ նշված ժամանակահատվածում գողացել են իր «Օպել Կորսա» մակնիշի ավտոմեքենայի 4 անիվները:

Գողության մասին նախկինում չի հայտնվել:

Վնասի չափը պարզվում է:

Կատարվում է հետաքննություն:

ՀՀ ոստիկանություն