
«Մանկական եվրատեսիլ- 2014»-ում Հայաստանի ներկայացուցիչն զբաղեցրել է երրորդ տեղը (տեսանյութ)

Մալթայում կայացած «Մանկական եվրատեսիլ- 2014» երգի մրցույթում Հայաստանը ներկայացնող Բեթթին գրավեց երրորդ տեղը՝ կատարելով «Արեւի մարդիկ» երգը:
Մրցույթից հետո մեկնարկած քվեարկության արդյունքներով եւպրոֆեսիոնալ ժյուրիի գնահատականներով Հայաստանի ներկայացուցիչն ստացել է 146 ձայն: Առաջին հորիզոնականը զբաղեցրել է Իտալիայի, երկրորդը՝ Բուլղարիայի ներկայացուցիչը:
«Մանկական եվրատեսիլին» մասնակցում էր 16 երկիր՝ Հայաստանը, Վրաստանը, Բելառուսը, Բուլղարիան, Կիպրոսը, Իտալիան, Մալթան, Մոնտենեգրոն, Ռուսաստանը, Սերբիան, Շվեդիան, Սլովենիան, Նիդերլանդները, Խորվաթիան, Սան Մարինոն եւ Ուկրաինան: