Թուրքիայում ԱՄՆ-ը դեսպանը խոսել է 1915-ի փաստերի ճանաչման մասին
Թուրքիայում ԱՄՆ նորանշանակ դեսպան Ջոն Բասսը հայտարարել է, որ 1915 թվականին տեղի ունեցած փաստերի ամբողջական և անկեղծ ընդունման համար հավելյալ աշխատանքներ են անհրաժեշտ: Այս մասին դեսպանը հայտնել է թուրքական «Հյուրիյեթ դեյլի նյուզին» տված հարցազրույցի ժամանակ՝ պատասխանալով լրագրողի «2015 թ. ԱՄՆ-ը կճանաչի՞ Հայոց ցեղասպանությունը» հարցին:
Ermenihaber.am-ի փոխանցմամբ՝ դեսպանը խոսել է նաև ԱՄՆ-Թուրքիա երկկողմ հարաբերություններից՝ Թուրքիան անվանելով աշխարհում ԱՄՆ-ի ամենակարևոր գործընկերներից մեկը: Նա միաժամանակ հույս է հայտնել, որ ԱՄՆ-ի այս տեսակետը կիսում են նաև Թուրքիայի իշխանական և ոչ իշխանական ուժերը:
