Ողբերգական վթար՝ Վայք-Եղեգնաձոր ճանապարհին. մեկ հոգի զոհվել է, կան վիրավորներ
Նոյեմբերի 8-ին, ժամը 17.19-ին ահազանգ է ստացվել, որ Մ-2 միջպետական ավտոճանապարհի Վայք-Եղեգնաձոր հատվածում (2-րդ կմ) տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Պարզվել է, որ միջպետական Մ-2 ավտոճանապարհի Երևան-Մեղրի հատվածում (134-րդ կմ) բախվել են «Մերսեդես» մակնիշի 19 SL 325 (վարորդ Արմեն Ոսկանյան, ծնվ. 1994թ.) և «ՎԱԶ-2101» մակիշի 65 SO 913 պետհամարանիշերով (վարորդ Գագիկ Խաչատրյան, ծնվ. 1970թ.) ավտոմեքենաները, ինչի հետևանքով «ՎԱԶ-2101» մակնիշի ավտոմեքենան կողաշրջվել է: Վարորդը և ուղևորներ՝ 1971 թ. ծնված Ա. Մ.-ը և 1966 թ. ծնված Ս. Խ.-ը հոսպիտալացվել են Վայքի ԲԿ, որտեղ Ա. Մ.-ը մահացել է:
Բժիշկները տուժածների առողջական վիճակը գնահատել են միջին ծանրության:
Բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան և դադարեցրել գազի արտահոսքը:
Արտակարգ իրավիճակների նախարարություն:
