Նաիրիտցիների աշխատավարձը կվճարեն ամբողջությամբ. «Հայկական Ժամանակ»
«Հայկական Ժամանակը» գրում է. «ՀՀ կառավարության միջնորդությամբ հայաստանյան խոշոր բանկերից մեկը բյուջետային երաշխիքով ավելի քան 5 միլիարդ դրամի հերթական վարկն է տրամադրել աշխատավարձի գծով «Նաիրիտի» աշխատակիցներին ունեցած ամբողջ պարտքը մարելու համար։
«Հայկական ժամանակի» ունեցած տեղեկությունների համաձայն վարկը տրամադրվել է Հայաստանի պետական էներգետիկ ընկերություններից մեկին, որն էլ որպես փոխառություն՝ փոխանցել է այն «Նաիրիտին»։
Ըստ որոշ լուրերի այդ վարկը տրամադրվել է Բարձրավոլտ ցանցերին։ Թե ո՞վ, ինչպես և ինչ միջոցներով է փակելու այդ և նախկինում այդ նույն սխեմայով կուտակված մի քանի հարյուր միլիոն դոլարի հասնող պարտքերը՝ հայտնի չէ։
Աշխատավարձի ամբողջ պարտքը փակելուց հետո նաիրիտցիների մի զգալի մասը, եթե ոչ մեծմասնությունը, ազատվելու է աշխատանքից: Նշենք, որ սա «Նաիրիտի» վերագործարկման ուղղությամբ կառավարության մշակած ինչ-որ ծրագրի առաջին քայլն է։ Ծրագրի մասին մանրամասները առայժմ չեն հրապարակվում»։
Կարդացեք «Հայկական Ժամանակի» այսօրվա համարում։
