Ստեփան Դեմիրճյան. Երկրին անհրաժեշտ են արմատական փոփոխություններ
Այսօր Ազատության հրապարակում ոչ իշխանական ուժերի հանրահավաքի ժամանակ ՀԺԿ ղեկավար Ստեփան Դեմիրճյանը թվարկեց ՀՀ-ում առկա արատները՝ կոռուպցիա, անօրինակություն և այլն, որոնք, ըստ նրա, քանդում են պետության հիմքերը:
«Երկրին անհրաժեշտ են արմատական փոփոխություններ, որոնք, ակնհայտ է, չի կարող իրականացնել այս վարչախումբը»,- ասաց նա:
Ըստ Ս.Դեմիրճյանի՝ ոչ թե Սահմանադրությունն է պետք փոխել, այլ Սահմանադրությունը խախտող իշխանությանը, և արդյունքում էապես կփոխվի երկրի բարոյահոգեբանական մթնոլորտը. «Այսօրվա հանրահավաքը թույլ է տալիս մտածել, որ մենք միասին կարող ենք փոխել երկրի վիճակը»:
