Եվրոպայում նացիզմի դեմ «պատվաստանյութը» կորցնում է ուժը. Պուտին
Ռուսաստանի նախագահ Վլադիմիր Պուտինը մտահոգություն է հայտնել Եվրոպայում նացիոնալիզմի դրսեւորումներով եւ կոչ է արել Երկրորդ աշխարհամարտի արդյունքների վերաքննում եւ նացիզմի հերոսացում թույլ չտալ, հաղորդում է «ՌԻԱ Նովոստի»-ն:
«Ցավոք, նացիստական վիրուսի դեմ «պատվաստանյութը», որը մշակվել էր Նյուրնբերգյան դատավարության ժամանակ, Եվրոպայի մի շարք երկրներում կորցնում է ուժը: Դրա ակնհայտ վկայությունը նեոնացիզմի բացահայտ դրսեւորումներն են, որոնք արդեն սովորական են դարձել Լատվիայում եւ Մերձբալթիկայի մյուս երկրներւմ: Այդ առումով հատուկ մտահոգություն է առաջացնում Ուկրաինայում իրավիճակը, որտեղ փետրվարին հակասահմանադրական հեղաշրջում իրականացվեց, որի շարժիչ ուժը նացիոնալիստներն ու արմատական մյուս խմբավորումներն էին»,-ասել է Պուտինը սերբական «Պոլիտիկա» թերթին տված հարցազրույցում՝ Բելգրադ կատարելիք այցի նախօրյակին:
