Էդուարդ Շարմազանովը աշխատանքային այցով կմեկնի Շվեյցարիա
ՀՀ Ազգային ժողովի փոխնախագահ Էդուարդ Շարմազանովի գլխավորած պատվիրակությունը հոկտեմբերի 12-16-ը Ժնեւում կմասնակցի Միջխորհրդարանական միության 131-րդ վեհաժողովին:
ԱԺ փոխնախագահի գլխավորած պատվիրակության կազմում են «Օրինաց երկիր» խմբակցության ղեկավար Հեղինե Բիշարյանը, Հանրապետական խմբակցության պատգամավոր Կարինե Աճեմյանը եւ ՀՀ ԱԺ գլխավոր քարտուղար-աշխատակազմի ղեկավար Հրայր Թովմասյանը: Այս մասին տեղեկացնում է ՀՀ Ազգային ժողովի փոխնախագահ Էդուարդ Շարմազանովի աշխատակազմը:
