Սուրիկ Խաչատրյանին հաճոյանալու համար ոստիկանները մետաղորսիչով ստուգել են Բուդաղյանների փաստաբանին (տեսանյութ). ԳԱԼԱ
ԳԱԼԱ-ն գրում է. Սյունիքի մարզի ընդհանուր իրավասության դատարանի Գորիսի նստավայրում շարունակվում է Արտակ Բուդաղյանի գործով դատաքննությունը: Բուդաղյանների փաստաբան Հայկ Ալումյանից հետաքրքրվեցինք, թե Սուրիկ Խաչատրյանին մարզպետ վերանշանակելու փաստը չի կաշկանդե՞լ դատավորին և դատավարության մյուս մասնակիցներին.
«Նախքան Սուրիկ Խաչատրյանին մարզպետ նշանակելը ոստիկանները, ովքեր բնականաբար գալիս են, որպեսզի այնտեղ հանկարծ բախումներ տեղի չունենան, ապահովում են կարգուկանոն, մետաղորսիչով ստուգում են դատավարության մասնակիցներին, չէին ստուգում դատախազներին, չէին ստուգում փաստաբաններին, Սուրիկ Խաչատրյանին նշանակեցին մարզպետ, դրանից հետո շարունակեցին չստուգել դատախազին, շարունակեցին չստուգել Սուրիկ Խաչատրյանի փաստաբաններին, սկսեցին ստուգել ինձ: Պատկերացրեք, Սուրիկ Խաչատրյանին հաճոյանալու համար էլ մարդիկ սկսեցին ինձ ստուգել մետաղորսիչով, դուք էդ մարդկանց հոգեկան վիճակը պատկերացրեք, ոստիկաններ են, բայց աշխատում են նույնիսկ էդ մանրուքի մեջ հաճոյանալ»,- պատմեց փաստաբանը:
Մանրամասներն՝ սկզբնաղբյուր կայքում:
