Ալ. Արզումանյան. Ինքնամոռաց տրվել ենք ռուսական գիծը սպասարկելու մոլուցքին. NEWS.am
ԵԽԽՎ-ի «Լեռնային Ղարաբաղում եւ գրավյալ այլ տարածքներում բռնության սրացումը» թեմայով զեկույցը, որտեղ ԼՂՀ-ն նշվել է որպես գրավյալ տարածք, հայկական պատվիրակության մեղավորության արդյունքն է: Այս մասին NEWS.am-ի թղթակցի հետ զրույցում ասաց նախկին արտգործնախարար, «Ժառանգություն» խմբակցության պատգամավոր Ալեքսանդր Արզումանյանը:
Նա նշեց, որ այստեղ առկա է հայկական կողմի մեղավորությունը, քանի որ պետք է էլ ավելի ակտիվ աշխատել գործընկերների հետ, ոչ թե սպասել հենց նիստի մի քանի օրերի ժամանակ քննարկել: Պատգամավորը նշում է, որ այդ զեկույցը նախապես շրջանառության մեջ է եղել, ի սկզբանե հայտնի է եղել այդ նախաձեռնության մասին, հետեւաբար՝ պետք էր մեր բարեկամների հետ փորձ անել այն կանխելու: «Քաղաքական կոնյուկտուրան ԵԽԽՎ-ում եւ Եվրախորհուրդում գործող այն է, որ Ռուսաստանը համարվում է այդ կառույցի ոչ բարեկամ երկիր: Բոլորը շահագրգռված են Ռուսաստանին պատժելու եւ հակառուսական որոշումներ կայացնելու եւ այստեղ մենք չպետք է ընկալվենք որպես Ռուսաստանի շարունակություն եւ բոլոր գործողություններով աջակցենք Ռուսաստանին: Սա Ռուսաստանի դեմ քայլեր են, որոնք մեզ պատժում են մեր ռուսական կողմնորոշման համար, քանի որ ինքնամոռաց տրվել ենք ռուսական գիծը սպասարկելու մոլուցքին»,-ասաց նախկին արտգործնախարարը:
Ամբողջությամբ` սկզբնաղբյուր կայքում:
