Windows 8.1-ում կվերադարձնեն Start կոճակը

Windows 8.1 օպերացիոն համակարգում աշխատասեղանին կլինի Start կոճակը: Այս մասին միաժամանակ հայտնել են բլոգեր «Փոլ Թարրոթթն» ու ZDNet պարբերականները՝ հղում կատարելով՝ Microsoft-ում գտնվող իրենց աղբյուրներին:

Start կոճակի վրա կլինի Windows 8-ի լոգոն: Այս մասին են վկայում նաև հրապարակված սքրինշոթերը:

Հասարակության համար նախնական տարբերակը (Public Preview) կթողարկվի հունիսի 26-ին, իսկ վերջնական տարբերակը սպասվում է, որ կլինի մինչև տարեվերջ:

Microsoft-ում հաստատել են, որ Windows 8-ի օգտատերերը կարող են օգտվել Windows 8.1-ից՝ անվճար:

Տեղեկացնենք, որ Start կոճակը Windows օպերացիոն համակարգերում կիրառվում է սկսած 1995 թվականից: