Ֆիննախը հերքում է. նորանշանակ նախարարը թերթ կարդալը չի արգելել
ՀՀ ֆինանսների նախարարությունն այսօր հանդես է եկել պարզաբանմամբ՝ անդրադառնալով ԶԼՄ-ներից մեկի այն հրապարակմանը, որ ֆինանսների նորանշանակ նախարար Դավիթ Սարգսյանը պաշտոնական գրություն է ուղարկել գերատեսչություններին, պահանջելով կրճատել մամուլի բաժանորդագրությունը։
«Այսօր մամուլում տարածված տեղեկատվությունը, թե ՀՀ ֆինանսների նախարար Դավիթ Սարգսյանը պաշտոնական գրություն է ուղարկել գերատեսչություններին՝ պահանջելով կրճատել մամուլի բաժանորդագրությունը, որևէ առնչություն չունի իրականության հետ: Պաշտոնապես հայտնում ենք, որ ՀՀ ֆինանսների նախարարությունը նման գրություն գերատեսչություններին չի ուղարկել»:
