ՀՀ ոստիկանություն. Լրագրողների հետ տեղի ունեցած միջադեպի հանգամանքները պարզվում են
Նոյեմբերյանի զորամասում մայիսի 15-ին սպանված Լյուքս Ստեփանյանի հարազատներն այսօր փորձել են նրա դին բերել Երևան՝ բողոքի ակցիա անցկացնելու համար: Երևան–Սևան մայրուղում նրանց հանդիպել են Պաշտպանության նախարարության և ոստիկանության ղեկավարները, որոնք զրուցել են զոհված զինվորի հարազատների հետ և հավաստիացրել, որ կկատարվի դեպքի բազմակողմանի և օբյեկտիվ քննություն ու մեղավորներն ամենայն խստությամբ կպատժվեն: Բարձրաստիճան պաշտոնյաների հետ հանդիպումից հետո Լյուքս Ստեփանյանի հարազատները վերադարձել են Վերին Գետաշեն, որտեղ տեղի է ունեցել հուղարկավորությունը:
Հանդիպման ընթացքը լուսաբանող որոշ հեռուստաընկերություններ հետագայում հաղորդում են տվել, որ բանակցությունների նկարահանման ընթացքում անհայտ անձինք խանգարել են իրենց լրագրողների աշխատանքը:
Լրագրողների հետ տեղի ունեցած միջադեպի հանգամանքները պարզվում և ուսումնասիրվում են:
ՀՀ ՈՍՏԻԿԱՆՈՒԹՅՈՒՆ
