Samsung-ի մասնագետները կարևոր հայտագործություն են արել 5G ոլորտում
Samsung ընկերությունը հաղորդում է անլար ինտերնետի բնագավառում տեխնոլոգիական ճեղքման մասին։ Ընկերությունը պնդում է, որ իր մասնագետները լուրջ հայտնագործություն են կատարել, որը թույլ կտա ստեղծել 5-րդ սերնդի նոր ցանցեր։ Այս մասին գրում է Vestifinance.ru կայքը՝ հղում անելով The New York Times-ին։
The New York Times-ը գրել է, որ խոոսքը վերաբերում է միացման արագություններին, որը մի քանի անգամ հարյուր անգամ գերազանցում է 4G տեխնոլոգիաներին։
Կորեացիները հույս ունեն դառնալ այս ոլորտի «առաջամարտիկը»՝ աշխարհին ստիպելով անցնել նոր սերնդի ցանցերին։
Samsung-ը ոչ մի կոնկրետ թիվ չի նշում, սակայն փորձագետները նշում են, որ 5G ինտերնետը թույլ կտա առանց ընդհատումների դիտել բարձր որակի տեսանյութեր և օգտագործել, այսպես կոչված, «ամպային ծառայությունների» ավելի լայն ընտրանի (ներառյալ խաղերը)։
Չնայած ճեղքմանը, որի մասին խոսում է Samsung-ը, 5G ցանցի արագ տարածումը անիրատեսական է թվում։ Դրա համար անհրաժեշտ են համապատասխան ենթակառուցվածքներ, որոնց ստեղծման համար տարիներ են պետք։ Օրինակ, Եվրամիությունը նախագիծ է հրապարակել, որի համաձայն 5-րդ սերնդի ցանցերի զարգացման համար մինչև 2020 թվականը նախատեսվում է ծախսել 50 միլիարդ եվրո։ Մասնագետները գտնում են, որ 5G շարժական ինտերնետը համաշխարհային ստանդարտ կդառնա լավագույն դեպքում հաջորդ տասնամյակում։
