Գնահատվում է շենքերի սեյսմիկ խոցելիությունը
ՀՀ ԱԻՆ սեյսմիկ պաշտպանության ծառայության կարևոր գործառույթներից է շենքերի և շինությունների տեխնիկական վիճակի հետազննությունն ու սեյսմիկ խոցելիության աստիճանի գնահատումը:
Վերջին տարիների նշանակալի աշխատանքներից է Երևանի «Զվարթնոց» միջազգային օդանավակայանի նոր տերմինալի սեյսմիկ հաշվարկը, որն իրականացրել են ՍՊ Արևմտյան ծառայության մասնագետները` Զավեն Խլղաթյանի գլխավորությամբ:
Միայն 2012 թ. սեյսմիկ ռիսկի վերաբերյալ տվյալների բազան համալրվել է մոտ 500 շենքի տվյալներով:
Կատարվել է դպրոցների և մանկապարտեզների շենքերի ակնադիտական և գործիքային հետազննություն, տեխնիկական վիճակի ուսումնասիրություն և սեյսմիկ խոցելիության գնահատում՝ ընդգրկելով հանրապետության տարբեր բնակավայրերի 44 դպրոց և 11 մանկապարտեզ: Մասնագիտական եզրակացություններ են տրվել 105 շենքերի և շինությունների տեխնիկական վիճակի վերաբերյալ:
Շենքերի ու շինությունների տեխնիկական վիճակի և սեյսմիկ խոցելիության գնահատման աշխատանքները կատարվում են Հայաստանի բոլոր մարզերում՝ ՀՀ ԱԻՆ սեյսմիկ պաշտպանության ծառայության համակարգի բոլոր 4 տարածքային ծառայությունների (ՊՈԱԿ-ների) կողմից:
Կատարվում է նաև ՀՀ քաղաքացիների ընդունելություն, տրվում է մասնագիտական խորհրդատվություն և բացատրություններ` բնակիչներին հուզող հարցերի վերաբերյալ:
