Հրապարակվել է Արտակ Նազարյանի մահվան գործով դատավճիռը
Տավուշի մարզի ընդհանուր իրավասության դատարանն այսօր հրապարակել է Արտակ Նազարյանի մահվան գործով դատավճիռը:
«Ազատություն» ռադիոկայանի փոխանցմամբ՝ հինգ ամբաստանյալներից Հակոբ Մանուկյանը դատապարտվեց 10 տարվա ազատազրկման, Վահագն Հայրապետյանը, Ադիբեկ Հովհաննիսյանը եւ Մխիթար Մխիթարյանը` չորսական տարվա, իսկ Հարութիկ Կիրակոսյանը երեք տարվա ազատազրկման, սակայն վերջինիս նկատմամբ կիրառվեց համաներում եւ նա ազատ արձակվեց:
Կայքի փոխանցմամբ՝ տուժող կողմից դատավճռի հրապարակմանը ոչ ոք ներկա չէր:
30-ամյա սպա Արտակ Նազարյանը մահացել է Տավուշի մարզի զորամասերից մեկի դիրքերում 2010 թվականի հուլիսի 27-ին: Սպային ինքնասպանության հասցնելու համար մեղադրվում էին նրա հինգ ծառայակիցները։
