Եթե հանենք այն դեպքերը, երբ որոշ մարդիկ փորձում են մարտնչել Անդրանիկ Մարգարյանի շիրիմի հետ՝ ընտրարշավը դրական է
«Եթե բացառենք կամ հանենք այն դեպքերը, երբ որոշ մարդիկ փորձում են մարտնչել Անդրանիկ Մարգարյանի շիրիմի հետ, ինչը հարիր չէ ընտրարշավին, ՀՀԿ քարոզարշավը մենք դրական ենք համարում»,- այսօր ԱԺ ճեպազրույցում ասաց ԱԺ ՀՀԿ խմբակցության պատգամավոր Հովհաննես Սահակյանը:
Հարցին, թե ինչո՞ւ ՀՀԿ քաղաքապետի թեկնածուն այդպես էլ չբանավիճեց քաղաքապետի մյուս թեկնածուների հետ, Հովհաննես Սահակյանը պատասխանեց, որ Տարոն Մարգարյանն է որոշում իր հանդիպումների ֆորմատն ու հարյուրից ավելի բակային հանդիպումների ժամանակ կարողացել է իր գործունեության լավ ու վատ կողմերը ներկայացնել ժողովրդին:
Հ .Սահակյանի խոսքով՝ այն քաղաքական ուժերը, որոնք խնդիր ունեն դեբատներով ներկայանալ, իրենք չեն խանգարել: Ինչ վերաբերում է նրան, թե որքան տոկոս կհավաքի ՀՀԿ-ն ավագանու ընտրություններին, Հովհաննես Սահակյանն ասաց, թե իրենք ակնկալում են պահպանել իրենց «դիրքերը»:
