Ծիծաղելի տեղեկություններ՝ Աբովյանի վերաբերյալ
Մի շարք լրատվամիջոցներով տեղեկություններ են տարածվել, որ Աբովյան քաղաքում մանկապարտեզներն ու այլ ուսումնական հաստատություններ աշխատել են մինչև կեսօր` Ազատության հրապարակում ԲՀԿ-ի հանրահավաքի պատճառով: Նշվում էր, որ ավտոբուսներով մարդիկ են տեղափոխվում Երևան` հանրահավաքին մասնակցելու համար: Այս տեղեկատվության կապակցությամբ ԳԱԼԱ-իհետ զրույցում ԲՀԿ խոսնակ Տիգրան Ուրիխանյանը նշեց, որ նման լուրերը պարզապես ծիծաղելի են. «Այսինքն` ինչու պետք է փակվեն մանկապարտեզները, ասենք` մանկահասակ երեխանե՞րն են մասնակցելու հանրահավաքին, նման տեղեկությունները պարզապես ծիծաղելի են, իսկ ով հարցադրումներ ունի այս կապակցությամբ, կարող է գալ ու անձամբ տեսնել, թե ովքեր են մասնակցում հանրահավաքին»
