Սա ընդամենը ֆուտբոլ է, որտեղ հնարավոր է ամեն ինչ. Մոուրինյո
«Ռեալի» գլխավոր մարզիչ Ժոզե Մոուրինյոն նշել է, որ Չեմպիոնների լիգայի ընթացիկ մրցաշրջանի սկզբից էլ «Բորուսիային» համարել է ֆավորիտ:
«Դժվար է ասել, թե մենք ինչ հնարավորություններ ունենք: Առաջին խաղի արդյունքն արդար էր և «Բորուսիան» արժանի էր հաղթանակի:
Սա ընդամենը ֆուտբոլ է, որտեղ հնարավոր է ամեն ինչ: Որքան էլ բարդ լինի իրավիճակը, պետք է հաճույք ստանանք մեր խաղից:
Զգում եմ, որ այս հանդիպումը վերջին տասնամյակում «Ռեալի» ամենակարևոր խաղն է: Սակայն նման զգացողություն ունեի նաև Դորտմունդում, որտեղ մենք խաղացինք այնպես՝ կարծես դուրս էինք եկել ընկերական հանդիպման: Մրցաշրջանի սկզբից «Բորուսիային» համարել եմ մրցաշարի հաղթողի հիմնական հավակներդներից մեկը»,- պորտուգալացի մարզչի խոսքերը փոխանցում է ՈւԵՖԱ-ի պաշտոնական կայքը:
Մարզական լրահոսն ապահովում է SportArmenia.com-ը
