Այսօր տեղի է ունեցել «Շեկոյի» հուղարկավորությունը
henaran.am-ի փոխանցմամբ՝ այսօր Գյումրիում տեղի է ունեցել ապրիլի 23-ին հայտնի կրակոցներից սպանված Արտյոմ Կարապետյանի` «Շեկոյի» հուղարկավորությունը:
Կայքի աղբյուրների փոխանցմամբ` հոգեհանգստի և հուղարկավորության ողջ արարողությունը իր վրա է վերցրել ԲՀԿ-ական պատգամավոր Մարտուն Գրիգորյանը: Որոշ լուրերի համաձայն, «Շեկոն» պատգամավորի թիկնապահն էր: Ա. Կարապետյանը 37 տարեկան էր, ունի 2 երեխա:
Ըստ կայքի՝ հուղարկավորությանը հայտնի դեմքեր չեն եղել: Մինչդեռ երեկ` հոգեհանգստին մասնակցել են ԲՀԿ-ական պատգամավորներ Հարություն Ղարագյոզյանը` «Կարամելի Հարութը», Լևոն Սարգսյանը` «Ալրաղացի Լյովը», Գյումրիի քաղաքապետ Սամվել Բալասանյանը:
