Վարդան Օսկանյանը Գյումրիի կրակոցների մասին ինֆորմացիային չի տիրապետո՞ւմ
Այսօր Գյումրիում տեղի ունեցած կրակոցների առնչությամբ 168.am-ը մեկնաբանություն խնդրեց ՀՀ նախկին արտգործնախարար, ԲՀԿ-ական Վարդան Օսկանյանից: Վարդան Օսկանյանը, սակայն, լսելով միայն մեր հարցի՝ «Գյումրիում կրակոցներ են եղել…» հատվածը, արձագանքեց, թե չի «տիրապետում ինֆորմացիային»:
Հիշեցնենք, որ շրջանառվող լուրերի համաձայն՝ կրակոցների արդյունքում վիրավորված «Քավոր Հարութը» ԲՀԿ-ական պատգամավոր Մարտուն Գրիգորյանի հետ բարեկամական կապեր ունի:
Նշենք, որ փաստի առթիվ ոստիկանության Շիրակի մարզի քննչական բաժնում հարուցվել է քրեական գործ ՀՀ քրեական օրենսգրքի 104 հոդվածի հատկանիշներով: Ոստիկանությունից հայտնում են նաև, որ ձեռնարկվում են օպերատիվ-հետախուզական և քննչական միջոցառումներ հանցագործությունը կատարած անձանց ինքնությունը պարզելու և նրանց հայտնաբերելու ուղղությամբ: Նշանակվել են փորձաքննություններ: Նախաքննությունը շարունակվում է:
