«Պետք չէր «զադնի դնել», պետք էր ճիշտ, խելացի և իրատեսական որոշում կայացնել ընդամենը…»
Երևանի նախկին փոխոստիկանապետ Ռոբերտ Մելքոնյանը ֆեյսբուքի իր էջում գրել է.
«Րաֆֆի Հովհաննիսյանը ազնիվ է, ուղղամիտ, կիրթ, հայրենասեր, սակայն դա հերիք չէ լիարժեք քաղաքական գործիչ լինելու, առավել ևս ՀՀ նախագահի պաշտոնը ստանձնելու համար: Այդ մասին են վկայում նաև նրա դյուրահավատությունը, տարօրինակ որոշումներն ու գործողությունները, հետագա քայլերը, ելույթները, հարցազրույցները…
Ինձ թվում է Րաֆֆի Հովհաննիսյանը պատանեկան, երիտասարդ տարիներին շատ է կարդացել Սերվանտեսի «Դոն Քիշոտը», հմայվել նրա հողմաղացների դեմ տարվող «մարտարվեստով»… Անմիջապես զգացվում է նրա հայկական իրականությունից կտրվածությունը և դրան բնորոշ ոչ ադեկվատ քայլերը, դոնքիշոտյան վարվելակերպը…
Կողքին հայտնված անձանց և ուժերին լսելով, հավատալով իր ընտրված լիելու միֆին, Րաֆֆին ճիշտ որոշում չկայացրեց: Մինչդեռ, նա պետք է ընտրության հաջորդ օրը հանդիպեր ՀՀ Նախագահին, հայտարարեր կոալիցիա կազմելու, համագործակցելու հարցերի շուրջ բանակցելու իր ցանկության մասին և շնորհավորեր նրան: Այս պայմաններում նա ավելի իրատեսական և գործնական հնարավորություն կունենար թե՛ ԱԺ-ում, թե՛ կառավարությունում կոնկրետ մասնակցություն ունենալ այն խնդիրների իրագործմանը, որոնք հիմա ծառացել են մեր հասարակության, մեր պետության առջև…
Պետք չէր «զադնի դնել» , պետք էր ճիշտ, խելացի և իրատեսական որոշում կայացնել ընդամենը…»:
