Սևանա լճի հարևանությամբ գտնվող «Հարսնաքար» հյուրանոցի մոտից ցամաքաբերդցիները կասկածելի կենդանի են որսացել (լուսանկարներ)
Օրերս Գեղարքունիքի մարզի Ցամաքաբերդ գյուղի բնակիչները, ովքեր ձկնորսությամբ են զբաղվում, ֆոտոլրագրող Գագիկ Շամշյանին են փոխանցել մի տեսանյութ, որը նրանք տեսանկարահանել են Սևանա լճի մոտ: Այս մասին տեղեկացնում է shamshyan.com-ը:
Ֆոտոլրագրողի հետ զրույցում ցամաքաբերդցիները հայտնել են, որ այդ կենդանուն իրենք որսացել են Գեղարքունիքի մարզի Հարսնաքար հյուրանոցային համալիրի հարևանությամբ՝ Սևանա լճից: Գյուղի տարեցները պատմում են, որ նման կենդանի երբևէ իրենց չի հանդիպել, իսկ թե ինչ կենդանի է, նրանք դժվարանում են ասել: Նրանց զարմացրել է կենդանու ժանիքներն ու չափսը: Գյուղացիները մտավախություն ունեն, որ եթե լողալիս լինեն Սևանա լճում, հնարավոր է, որ նման կենդանի հարձակվի իրենց վրա:
