Արսենալն ուզում է գնել Իկեր Կասիլյասին
Մադրիդի «Ռեալի» 31-ամյա դարպասապահ, թիմի ավագ Իկեր Կասիլյասը հայտնվել է «Արսենալի» ուշադրության կենտրոնում, որը նախատեսում է ամռանն ուժեղացնել խաղային այդ դիրքը։ Այս մասին տեղեկանում ենք The Sun-ից։
«Կանոնիրները» Կասիլյասի տրանսֆերը գնահատում են 20 մլն եվրո և պատրաստվում են առաջիկա օրերին «արքայական ակումբին» պաշտոնական առաջարկ անել։
Հիշեցնենք, որ վնասվածքից ապաքինվելուց հետո Կասիլյասը դեռ ոչ մի հանդիպման չի մասնակցել, իսկ թիմի գլխավոր մարզիչ Ժոզե Մոուրինյոն հայտարարել է, որ այս պահին մեկնարկային կազմում հանդես եկող Դիեգո Լոպեսն ավելի լավ մարզավիճակում է, քան թիմի համար 1 դարպասապահը։
Մարզական լրահոսն ապահովում է SportArmenia.com-ը
