Ռոստով – Սպարտակ` 1:0. Մովսիսյանը խաղաց 30 րոպե (տեսանյութ)
Ռուսաստանի առաջնության 23-րդ տուրում Մոսկվայի «Սպարտակը» մրցակցի հարկի տակ 1:0 հաշվով պարտվեց «Ռոստովին»: Հանդիպման միակ գոլի հեղինակ դարձավ Դանկո Լազովիչը, ով 50-րդ րոպեին անվրեպ իրացրեց 11-մետրանոց հարվածը: Հայաստանի հավաքականի հարձակվող Յուրա Մովսիսյանը հանդիպումը սկսեց պահեստայինների նստարանին և փոխարինման դուրս եկավ 60-րդ րոպեին, սակայն, ինչպես և ողջ թիմը, անհաջող հանդիպում անցկացրեց: «Սպարտակը» փոքր-ինչ ակտիվացավ միայն վերջին րոպեներին, բայց չկարողացավ հավասարեցնել հաշիվը:
Նշենք, որ այս պարտությունից հետո «Սպարտակը» 37 միավորով շարունակում է ընթանալ 7-րդ հորիզոնականում:
Մարզական լրահոսն ապահովում է SportArmenia.com-ը
