«Սահմանին լարվածությունը շարունակվում է, կրակոցներն էլ անհամեմատ շատ են»
Հակառակորդի ակտիվությունը պահպանվում է, ինչի հետևանքով սահմանին լարվածությունը շարունակվում է: Այս գիշեր հակառակորդի կողմից արձակված կրակոցները ևս անհամեմատ շատ են եղել: «Pastinfo.am»-ի թղթակցի հետ զրույցում ասել է ՊՆ մամուլի քարտուղար Արծրուն Հովհաննիսյանն ու հավելել, որ ստորաբաժանումների տեղաշարժ է նկատվում:
Նշենք, որ նախորդ շաբաթվա ընթացքում ադրբեջանական կողմն ակտիվություն է ցուցաբերել, ինչը հայկական կողմը փորձել է կանխարգելել: «Սակայն սահմանին հակառակորդի կողմից զինտեխնիկայի և հատուկ ստորաբաժանումների կուտակում է նկատվել: Այնուամենայնիվ հայկական կողմն աչալրջորեն հետևում է սահմանագծում հակառակորդի կողմից ցուցաբերվող ցանկացած քայլին և պատրաստ է համապատասխան գործողություններ ձեռնարկել հակառակորդի սադրանքներն ու գործողությունները չեզոքացնել ուղղությամբ»,- ասել է Ա. Հովհաննիսյանը:
Փաստինֆո
