Իրանում փակվել է մոտ 4000 արդյունաբերական ձեռնարկություն
Իրանական ISNA լրատվական գործակալության փոխանցմամբ՝ Իրանում փակվել է մոտ 4000 արդյունաբերական ձեռնարկություն, որոնց բաժին է ընկել երկրի ընդհանուր արդյունաբերական արտադրության 5-6 տոկոսը: Այս մասին հայտարարել է Իրանի արդյունաբերության փոխնախարար Ֆակհրոլու Մոլային.
«Այդ ձեռնարկությունների փակվելը կապված չէ միջազգային պատժամիջոցների կամ արժույթի փոխարժեքի տատանումների հետ: Ներկայումս Իրանում գործում է մոտ 81.000 արդյունաբերական ձեռնարկություն, որոնցում աշխատում է 700.000 մարդ: Իրանում ստեղծվել է 904 արդյունաբերական գոտի ու շրջան: Դրանցում ստեղծվում է մոտ 17.000 արդյունաբերական նոր ձեռնարկություն»:
