Google Translate-ը կաշխատի առանց ինտերնետի
Google ընկերությունը թարմացրել է «Թարգմանիչ» հավելվածը Android օպերացիոն համակարգի համար: Այս մասին հաղորդում է CNet-ը:
Այսուհետ ծրագիրը կարող է թարգմանություններ անել առանց ինտերնետի:
Ծառայությունից օգտվելու համար անհրաժեշտ է միացնել բջջային հավելվածը, բացել ցանկը և ընտրել «Offline թարգմանիչ» կետը և ներբեռնել անհրաժեշտ փաթեթները: Դրանք պետք է առնվազն երկուսը լինեն, մեկը՝ օրիգինալ լեզվի համար, իսկ մյուսը՝ թարգմանության համար: Դրանք պարունակում են բառերի իմաստները և այլևս անհրաժեշտություն չկա, որպեսզի «Թարգմանիչը» միանա ինտերնետին:
Offline թարգմանության գործառույթն աշխատում է 50 լեզուներով:
Այս ամենը դեռևս հնարավոր է միայն Android օպերացիոն համակարգի համար, իսկ iOS-ի համար նման թարգմանություն իրականացնելու հնարավորության մասին դեռևս ոչինչ չի հաղորդվում:
