Վրաստանի նախագահի լիազորությունների սահմանափակումը կամրապնդի ժողովրդավարությունը երկրում. ԱՄՆ պետդեպարտամենտ
Новости-Грузия լրատվական գործակալության փոխանցմամբ՝ ԱՄՆ պետդեպարտամենտը հայտարարություն է տարածել, որում շնորհավորել է Վրաստանի իշխանություններին ու ընդդիմությանը՝ կապված սահմանադրական ուղղումների ընդունման հետ, որոնք առնչվում են նախագահի լիազորությունների սահմանափակմանը:
Պետդեպարտամենտը դա գնահատել է որպես «քաղաքական կոնսենսուս», որը դարձավ տվյալ համաձայնագրի հիմքը. «ԱՄՆ-ը շնորհավորում է Վրաստանի ղեկավարությանը, խորհրդարանական մեծամասնությանն ու փոքրամասնությանը: Դա քաղաքական կարևոր որոշում է:
Այն ճանապարհ է հարթում Վրաստանում ժողովրդավարության ամրագրման համար ու կառավարությանը հնարավորություն է տալիս կենտրոնանալ բազում խնդիրների վրա, որոնք կանգնած են իշխանությունների առջև»:
Պետդեպարտամենտը Վրաստանի քաղաքական բոլոր ուժերին կոչ է արել հրապարակավ քննարկումներում պահպանել «կառուցողական տոն»՝ հաշվի առնելով երկրի քաղաքացիների շահերը:
Հիշեցնենք, որ Վրաստանի նախագահ Միխեիլ Սաակաշվիլին այսօր հաստատել է իր իրավունքները սահմանակող սահմանադրական ուղղումները, որոնց Վրաստանի խորհրդարանը վերջնականապես ընդունել է մարտի 25-ին:
