Թուրքիային մտահոգել է Լիտվայի խորհրդարանում ԼՂՀ-ի հետ բարեկամության խմբի ստեղծումը
Թուրքական Hürriyet թերթի փոխանցմամբ՝ Թուրքիային մտահոգել է Լիտվայի խորհրդարանում ԼՂՀ-ի հետ բարեկամության խմբի ստեղծումը: Թուրքիան այդ կապակցությամբ դիվանագիտական խողովակներով իր մտահոգությունն է հայտնել Լիտվային:
Թերթն ուշադրություն է հրավիրում, որ դա տեղի է ունեցել Թուրքիայի նախագահ Աբդուլլահ Գյուլի կողմից ապրիլի 3-ին Լիտվա այցելելու նախաշեմին: Նշվում է, որ Աբդուլլահ Գյուլը մերձբալթյան երկրներ է այցելելու ապրիլի 1-4-ին:
Հիշեցնենք, որ Լիտվայի խորհրդարանում ԼՂՀ-ի հետ բարեկամության խմբի ստեղծման հետ կապված՝ Ադրբեջանը երկու անգամ բողոքի նոտա է հղել Լիտվային:
