Էրդողանը Գազայի հատված կմեկնի ապրիլին
Թուրքական Haber Türk թերթի փոխանցմամբ՝ Թուրքիայի վարչապետ Ռեջեփ Էրդողանն այսօր հայտարարել է, որ Թուրքիան անձամբ հետևելու է Իսրայելի կողմից Գազայի հատվածի շրջափակման վերացմանը և «Մավի Մարմարայի» միադեպի ժամանակ տուժածների ընտանիքներին Իսրայելի կողմից փոխհատուցման վճարմանը:
Էրդողանը հավելել է, որ Գազայի հատված կմեկնի ապրիլին՝ վերահսկելու համար Գազայի հատվածի շրջափակման վերացումը. «Ես կայցելեմ Գազայի հատված և կողջագուրվեմ իմ եղբայրների հետ:
Իսրայելի կողմից Թուրքիայից ներողություն խնդրելը և երկու այլ նախապայմանների կատարումը չի արդարացնում պաղեստինցիների հանդեպ Իսրայելի գործողությունները»:
Իսրայելի նախագահ Շիմոն Պերեսը հայտարարել է, որ իրենք չեն խոչընդոտի Էրդողանի այդ այցին: Նա հավելել է, որ պատրաստվում է մոտ ժամանակներս այցելել Անկարա և Թուրքիայի նախագահ Աբդուլլահ Գյուլի հետ քննարկել երկկողմանի հարաբերությունների կարգավորման հարցը:
