ԱԺ ներխուժած Վրեժ Գալստյանի վիրահատությունն ավարտվեց. նրա հարազատները դեռ չեն այցելել նրան
Քիչ առաջ թիվ 1 համալսարանական հիվանդանոցում ավարտվեց այսօր ԱԺ ներխուժած և հրազենային վնասված ստացած քաղաքացու՝ Վրեժ Գալստյանի վիրահատությունը:
Այժմ նա գտնվում է ինտենսիվ թերապիայի բաժանմունքում:
Բաժանմունքի աշխատակից Վահան Ճարտանյանը 168.am-ի հետ զրույցում ասաց, որ վիրահատությունը կարճ է տևել, և Վրեժ Գալստյանի վիճակը համապատասխանում է կատարված վիրահատական միջամտությանը:
Ի դեպ, Վահան Ճարտանյանը մեզ տեղեկացրեց, որ մինչ այս պահը Վրեժ Գալստյանի հարազատներից որևէ մեկը չի գնացել հիվանդանոց:
